ثقافة وفن: حب عمري.. حمو بيكا يتغزل في زوجته

نشر مطرب المهرجانات المصري الشهير، حمو بيكا، مجموعة لقطات رومانسية تجمعه بزوجته من أمام طائرة قبل السفر.

وحرص حمو بيكا على مشاركة جماهيره ومتابعيه، صور وهو يحتضن زوجته في المطار، وذلك عبر حسابه الرسمي على موقع الصور والفيديوهات إنستجرام، وعلق عليها قائلًا: «حب عمرى».

حمو بيكا كان قد ناشد مؤخرًا المطرب هاني شاكر نقيب الموسيقيين ورواد مواقع التواصل الاجتماعي بالتوقف عن التنمر عليه، ومعايرته بأنه لا يجيد القراءة أو الكتابة، أو انتفاخ بطنه وزيادة وزنه، أو حتى السخرية من مرضه، مؤكدا أنه إنسان من لحم ودم ولديه قلب يتأثر بهذه السخرية.

وأضاف حمو بيكا في منشور مطول عبر حسابه على موقع الفيس بوك: يا جماعة ياريت نفهم إن أنا موجوع وتعبان، اتنـمر عليا مرة واثنين وتلاته ولسه فيه ناس بتنمر عليا، لحساب مين كل ده، انا بني آدم زي زيكم والله.

وتابع موجها حديثه لنقيب المهن الموسيقية قائلا: الأستاذ هاني حضرتك كنت في ندوة واتنـمرت عليا وانت اخويا الكبير، وأنا مسامح والله، بس كفاية بالله عليك انا اه مش بعرف اقرا واكتب بس ربنا خلقني بقلب احس بيه، كفاية تجرحوني، مش كل واحد يبقى عنده سلطة يتحكم في البشر ؟!

وأضاف: أنا من 5 سنين بعاني، بس هما شايفين ان إحنا مبسوطين وفرحانين، لا أنتم اللي مبسوطين لأن معاكم ومعاكم وعندكم كتير بس عمرنا ما بصينا ليكم، ليه لما يكون معايا حاجه تحسدوني عليها وعايزنيها؟، ده غير مرضي اللي بدفع فلوس كتير خلال شهر واحد.

وتابع حمو بيكا: حسوا بمشاعري، لو أخطأت في حاجه تعالى وحاسبني وعلمني الصح من الغلط، أنا فاتح بيت وعندي أسرة وعندي مسؤوليات كتير لا يعلم بيها إلا ربنا، أرجوكم كفاية.