ثقافة وفن: كم يجني مطرب المهرجانات من اليوتيوب.. عمر كمال يجيب

قال مطرب المهرجانات الشعبية عمر كمال خلال لقائه مع الإعلامي عمرو أديب أن اليوتيوب يرسل له بعض الأموال بصورة شهرية.

وأضاف أن هناك بعض الأوقات فإن اليوتيوب يرسل الدفعات النقدية بعد شهرين وهذا طبيعي خاصة عندما تتخطى الأغنية حاجز الـ100 مليون مشاهدة.

وصرح كمال خلال اللقاء: آخر فاتورة جاتلي من يوتيوب كانت بـ 15 ألف دولار.
وأكد المطرب الشعبي إلى أن بعض أغنياته لا يحصل منها على شيء، حيث أن طرح بعض الأغنيات على قنوات يوتيوب غير قناته.

يجعلها غير خاصة به ولا تحقق مشاهدات، وبالتالي لا يمكن أن يحاسبه يوتيوب عليها.

وأشار عمر كمال إلى أن الحفلات هي المصدر الأساسي للدخل حيث يعتمد عليها دائما.

وأكد كمال أن سبب اتجاهه لغناء أغاني المهرجانات أنه تعرض للظلم بسببها، مشيرا إلى أنه اتجه إليها لأن الجمهور يحبها.

وقال أيضا: أنا كنت بغني أغاني عادية وكويسة جدا، وكان معايا فرقة محترمة، كنت أنا والفرقة كلها بناخد 2000 أو 3000 جنيه.

وألاقي المهرجانات راكبة خالص على اللون بتاعي، طب أنا عايز أكل عيش، يبقى لازم أروح للسكة دي.

فجر النجم المصري الشهير عمر كمال يوم الخميس، مفاجأة عن نظيره مطرب المهرجانات حمو بيكا، عقب صمت تام تلت إهانات وجهها له.

وقال عمر بمقطع فيديو نشره: “تحملت كتير إيهانات. لكن ممكن أطلع أقول لك يا (أبو كرش) لكن كل دي إيهانات أنا مليش فيها”.

وأضاف كمال : “الشخص اللي بيتكلم عليا ده أول ما بينزل من إسكندرية بيجي على شقتي وواكلين عيش وملح”.
وتابع: “اللي حصل إن وأنا قاعد عند الحلاق بتاعي ومعايا حمو”.

وقال: “فوجئت إنه جايب شخص بتاع فساتين وعايزنا نعمل له إعلان من غير ما ياخد إذني”.

واستطرد كمال: “اتحرجت أرفض قدام الراجل. بس أنا مش عايز أعمل مهرجان لفستان فرح”.

وأكمل: “عايز أعمل فن كويس زي بنت الجيران وعود البطل وكل مهرجاناتي”.

وأردف: “حتى بعد الاتفاق ما دفعش ليا عربون ولا سألني تاخد كام”.

وأسهب كمال: “عيب تقول عليا إني صحبة مزيفة، أنا عمري ما كسبت من وراك. أنا سبت لك ١٢ تراك كلت من وراهم الشهد”.

وقال: “حتى العربية بتاعتك أنا اتصدرت أنا ومدير أعمالي عند المعرض عشان يقسطها لك”.

وختم كمال عن بيكا: “أنا ضمنتك في مليون و٨٠٠ ألف جنيه، ولو كنت لوحدك مكنش حد هيديك عربية”.

وكان النجم المصري عمر كمال علق على كل ساخر من صورته قبل دخوله المجال الفني ونيل الشهرة.

ويظهر فيها بملابس بسيطة ووزن زائد.

وغرد عمر بصورتين الأولى ظهر فيها بوزن زائد وملابس بسيطة، والأخرى بعد الشهرة.

وأكد كمال افتخاره بالصورة التي أرسلها له النشطاء ويسخرون فيها منه، وأنه غير محرج منها.

وقال: “كل ما أحط بوست وممكن الناس تشوف بعنيها عشان محدش يقول ده بيحور وبيعمل بوست وتريند”.

وأضاف كمال: “ألاقى ناس كتيرة حطالى صورتى اللى ع اليمين ف الكومنتات من باب السخرية”.

وتابع: “حتى الصورة اللى منزلها لوالدتى وبعبر عن حبى ليها عشان عيد ميلادها منزلين الصورة من باب السخرية”.

وأكمل كمال : “عايز ارد عليهم وأقولهم والله الحمد لله على شكلي فجميع مراحل حياتي وديه حاجة انا مش بتكسف منها”.

واستطرد: “أدينى نزلت الصورة اهو للناس ف بوست عشان تشوفها ومش مكسوف”.